read‎ > ‎documents‎ > ‎

Mahā-Satipaṭṭhāna-Suttantaṃ (DN 22) in Pali

posted Jul 13, 2013, 11:49 PM by Sung Yang
Mahā-Satipaṭṭhāna-Suttantaṃ (DN 22)

Adapted from the digital version of the Sri Lanka Buddha Jayanti Tripitaka Series and proofed against, and mostly resolved to the 1995 Pali Text Society The Dīgha Nikāya edited by Prof. T. W. Rhys Davids, Ph.D., LL.D., and Prof. J. Estlin Carpenter, M.A.

[290]
Evaṃ me sutaṃ|| ||
[1][wrrn][pts][wp][ati][bd][gnsg] Ekaṃ samayaṃ Bhagavā Kurūsu viharati|| ||
Kammāssadhamman-nāma Kurūnaṃ nigamo.|| ||
Tatra kho Bhagavā bhikkhū amantesi: 'Bhikkhavo' ti.|| ||
'Bhadante' ti te bhikkhū Bhagavato paccassosuṃ.|| ||
Bhagavā etad-avoca:|| ||
Ekāyano ayaṃ bhikkhave maggo sattānaṃ visuddhiyā soka-pariddavānaṃ samatikkamāya dukkha-domanassānaṃ attha-gamā ñāyassa adhigamāya nibbānassa sacchikiriyāya,||
yad idaṃ cattāro satipaṭṭhānā.|| ||
Katame cattāro?|| ||
Idha, bhikkhave, bhikkhu kāye kāyānupassī viharati ātāpī sampajāno satimā vineyya loke abhijjhā-domanassaṃ,||
vedanāsu vedanānupassī viharati ātāpī sampajāno satimā vineyya loke abhijjhā-domanassaṃ,||
citte cittānupassī viharati ātāpī sampajāno satimā vineyya loke abhijjhā-domanassaṃ,||
dhammesu dhammānupassī viharati ātāpī sampajāno satimā vineyya loke abhijjhā-domanassaṃ.|| ||
[291][2][wrrn][pts][wp][ati][bd] Kathañ-ca bhikkhave bhikkhu kāya kāyānupassī viharati?|| ||
Idha, bhikkhave, bhikkhu arañña-gato vā rukkha-mūla-gato vā suññāgāra-gato vā nisīdati pallaŋkaṃ ābhujitvā ujuṃ kāyaṃ paṇidhāya parimukhaṃ satim upaṭṭhapetvā, so sato va assasati, sato passasati.|| ||
Dīghaṃ vā assasanto: 'Dīghaṃ assasāmiti,' pajānāti,||
dīghaṃ vā passasanto: 'Dīghaṃ passasāmiti,' pajānāti;||
rassaṃ vā assasanto: 'Rassaṃ assasāmiti,' pajānāti,||
rassaṃ vā passasanto: 'Rassaṃ passasāmiti,' pajānāti.|| ||
'Sabba-kāya-paṭisaŋvedi assasissāmiti,' sikkhati;||
'Sabba-kayapatisaṃvedi passasissāniti,' sikkhati.|| ||
'Passambhayaṃ kāya-saŋkhāraṃ assasissāmiti,' sikkhati,||
'Passambhayaṃ kāya-saŋkhāram passasissāmiti,' sikkhati.|| ||
seyyathā pi, bhikkhave, dakkho bhamakāro vā bhamakārantevāsī vā dīghaṃ vā añchanto: 'Digham añchāmiti,' pajānāti||
rassaṃ vā achanto: 'Rassaṃ añchāmiti,' pajānāti;||
Evam-eva kho bhikkhave bhikkhu dīghaṃ vā assasanto: 'Dīghaṃ assasāmiti,' pajānāti,||
dīghaṃ vā passasanto: 'Dīghaṃ passasāmiti,' pajānāti;||
rassaṃ vā assasanto: 'Rassaṃ assasāmiti,' pajānāti,||
rassaṃ vā passasanto: 'Rassaṃ passasāmiti,' pajānāti.|| ||
'Sabba-kāya-paṭisaŋvedi assasissāmiti,' sikkhati;||
'Sabba-kaya-patisaṃvedi passasissāni' ti.sikkhati.|| ||
'Passambhayaṃ kāya-saŋkhāraṃ assasissāmiti,' sikkhati;||
'Passambhayaṃ kāya-saŋkhāram passasissāmiti,' sikkhati.
 
[292] Iti ajjhattaṃ vā kāye kāyānupassī viharati,||
bahiddhā vā kāye kāyānupassī viharati,||
ajjhatta-bahiddhā vā kāye kāyānupassī viharati.|| ||
Samudaya-dhammānupassī vā kāyasmiṃ viharati,||
vaya-dhammānupassī vā kāyasmiṃ viharati,||
samudaya-vaya-dhammānupasī vā kāyasmiṃ viharati.|| ||
'Atthi kāyo,' ti vā pan'assa sati paccupaṭṭhitā hoti yāvad-eva ñāṇa-mattāya patissati-mattāya.|| ||
Anissito ca viharati na ca kiñci loke upādiyati.|| ||
Evam-pi bhikkhave bhikkhu kāye kāyānupassī viharati.|| ||
 
[3][wrrn][pts][wp][ati][bd] Puna ca paraṃ bhikkhave bhikkhu gacchanto vā:||
'Gacchāmīti,' pajānāti;||
ṭhito vā: 'ṭhito'mhī' ti.pajānāti;||
nisinno vā: 'nisinno'mhī' ti.pajānāti;||
sayāno vā: 'sayāno'mhī' ti.pajānāti.|| ||
Yathā yathā vā pan'assa kāyo paṇihito hoti,||
tathā tathā naṃ pajānāti.|| ||
 
Iti ajjhattaṃ vā kāye kāyānupassī viharati,||
bahiddhā vā kāye kāyānupassī viharati,||
ajjhatta-bahiddhā vā kāye kāyānupassī viharati.|| ||
Samudaya-dhammānupassī vā kāyasmiṃ viharati,||
vaya-dhammānupassī vā kāyasmiṃ viharati,||
samudaya-vaya-dhammānupasī vā kāyasmiṃ viharati.|| ||
'Atthi kāyo,' ti vā pan'assa sati paccupaṭṭhitā hoti yāvad-eva ñāṇa-mattāya patissati-mattāya.|| ||
Anissito ca viharati na ca kiñci loke upādiyati.|| ||
Evam-pi bhikkhave bhikkhu kāye kāyānupassī viharati.|| ||
 
[4][wrrn][pts][wp][ati][bd] Puna ca paraṃ bhikkhave bhikkhu abhikkante paṭikkante sampajāna-kārī hoti||
Ālokite vilokite sampajānakārī hoti,||
Samiñjite pasārite sampajānakārī hoti,||
Saŋghāṭi-patta-cīvara-dhāraṇe sampajānakārī hoti,||
Asite pīte khāyite sāyite sampajānakārī hoti,||
Uccāra-passāvakamme sampajānakārī hoti,||
Gate ṭhite nisinne sutte jāgarite bhāsite tuṇhī-bhāve sampajāna-kārī hoti.|| ||
 
[293] Iti ajjhattaṃ vā kāye kāyānupassī viharati,||
bahiddhā vā kāye kāyānupassī viharati,||
ajjhatta-bahiddhā vā kāye kāyānupassī viharati.|| ||
Samudaya-dhammānupassī vā kāyasmiṃ viharati,||
vaya-dhammānupassī vā kāyasmiṃ viharati,||
samudaya-vaya-dhammānupasī vā kāyasmiṃ viharati.|| ||
'Atthi kāyo,' ti vā pan'assa sati paccupaṭṭhitā hoti yāvad-eva ñāṇa-mattāya patissati-mattāya.|| ||
Anissito ca viharati na ca kiñci loke upādiyati.|| ||
Evam-pi bhikkhave bhikkhu kāye kāyānupassī viharati.|| ||
 
[5][wrrn][pts][wp][ati][bd] Puna ca paraṃ bhikkhave bhikkhu imam eva kāyaṃ uddhaṃ pādatalā adho kesa-matthakā taca-pariyan taṃ pūran-nānappakārassa asucino paccavekkhati:||
'Atthi imasmiṃ kāye kesā lomā nakhā dantā taco maṃsaṃ nahāru aṭṭhī aṭṭhi-miñjā vakkaṃ hadayaṃ yakanaṃ kilomakaṃ pihakaṃ papphāsaṃ antaṃ anta-guṇaṃ udariyaṃ karīsaṃ, pittaṃ semhaṃ pubbo lohitaṃ sedo medo assu vasā khe'o siŋghāṇikā lasikā muttan,' ti.|| ||
seyyathā pi, bhikkhave, ubhato-mukhā muto'ī pūrā nānā-vihitassa dhaññassa,||
seyyath'idaṃ: sālīnaṃ vīhīnaṃ muggānaṃ māsānaṃ tilānaṃ taṇḍulānaṃ, tam enaṃ cakkhumā puriso muñcitvā paccavekkheyya:||
'Ime sālī, ime vīhī, ime muggā, ime māsā, ime tilā, ime taṇḍulā.' ti||
— evam eva kho, bhikkhave, bhikkhu imam eva kāyaṃ uddhaṃ pādatalā adho kesa-matthakā tacapariyan taṃ pūran-nānappakārassa asucino paccavekkhati:||
'Atthi imasmiṃ kāye kesā lomā nakhā dantā taco maṃsaṃ [294] nahāru-atthī aṭṭhi-miñjā vakkaṃ hadayam yakanaṃ kilomakaṃ pihakaṃ papphāsaṃ antaṃ anta-guṇaṃ udariyaṃ karīsaṃ, pitttaṃ semahaṃ pubbo lohitaṃ sedo medo assu vasā khe'o siŋghāṇikā lasikā muttan,' ti.|| ||
 
Iti ajjhattaṃ vā kāye kāyānupassī viharati,||
bahiddhā vā kāye kāyānupassī viharati,||
ajjhatta-bahiddhā vā kāye kāyānupassī viharati.|| ||
Samudaya-dhammānupassī vā kāyasmiṃ viharati,||
vaya-dhammānupassī vā kāyasmiṃ viharati,||
samudaya-vaya-dhammānupasī vā kāyasmiṃ viharati.|| ||
'Atthi kāyo,' ti vā pan'assa sati paccupaṭṭhitā hoti yāvad-eva ñāṇa-mattāya patissati-mattāya.|| ||
Anissito ca viharati na ca kiñci loke upādiyati.|| ||
Evam-pi bhikkhave bhikkhu kāye kāyānupassī viharati.|| ||
 
[6][wrrn][pts][wp][ati][bd] Puna ca paraṃ bhikkhave bhikkhu imam eva kāyaṃ yathā-ṭhitaṃ yathā-paṇihitaṃ dhātuso paccavekkhati:||
'Atthi imasmiṃ kāye paṭhavī-dhātu āpo-dhātu tejo-dhātu vāyo-dhātu,' ti.|| ||
seyyathā pi, bhikkhave, dakkho go-ghātako vā go-ghātak-antevāsī vā gāviṃ vadhitvā cātummahāpathe bilaso paṭivibhajitvā nisinno assa,||
evam eva kho, bhikkhave, bhikkhu imam eva kāyaṃ yathā-ṭhitaṃ yathā-paṇihitaṃ dhātuso paccavekkhati:||
'Atthi imasmiṃ kāye paṭhavī-dhātu āpo-dhātu tejo-dhātu vāyo-dhātu,' ti.|| ||
 
Iti ajjhattaṃ vā kāye kāyānupassī viharati,||
bahiddhā vā kāye kāyānupassī viharati,||
ajjhatta-bahiddhā vā kāye kāyānupassī viharati.|| ||
Samudaya-dhammānupassī vā kāyasmiṃ viharati,||
vaya-dhammānupassī vā kāyasmiṃ [295] viharati,||
samudaya-vaya-dhammānupasī vā kāyasmiṃ viharati.|| ||
'Atthi kāyo,' ti vā pan'assa sati paccupaṭṭhitā hoti yāvad-eva ñāṇa-mattāya patissati-mattāya.|| ||
Anissito ca viharati na ca kiñci loke upādiyati.|| ||
Evam-pi bhikkhave bhikkhu kāye kāyānupassī viharati.|| ||
 
[7][wrrn][pts][wp][ati][bd] Puna ca paraṃ bhikkhave bhikkhu seyyathā pi passeyya sarīraṃ sīvathikāya chaḍḍitaṃ||
ekāhamataṃ vā dvīhanatam vā tīhamataṃ vā uddhumātakaṃ vinīlakaṃ vipubbaka-jātaṃ,||
so imam eva kāyaṃ upasaŋharati:||
'Ayam pi kho kāyo evaṃ dhammo evaṃ bhāvī etaṃ anatīto,' ti.|| ||
 
Iti ajjhattaṃ vā kāye kāyānupassī viharati,||
bahiddhā vā kāye kāyānupassī viharati,||
ajjhatta-bahiddhā vā kāye kāyānupassī viharati.|| ||
Samudaya-dhammānupassī vā kāyasmiṃ viharati,||
vaya-dhammānupassī vā kāyasmiṃ viharati,||
samudaya-vaya-dhammānupasī vā kāyasmiṃ viharati.|| ||
'Atthi kāyo,' ti vā pan'assa sati paccupaṭṭhitā hoti yāvad-eva ñāṇa-mattāya patissati-mattāya.|| ||
Anissito ca viharati na ca kiñci loke upādiyati.|| ||
Evam-pi bhikkhave bhikkhu kāye kāyānupassī viharati.|| ||
 
[8][wrrn][pts][wp][ati][bd] Puna ca paraṃ bhikkhave bikkhu seyyathā pi passeyya sarīraṃ sīvathikāya chaḍḍitaṃ||
kākehi vā khajjamānaṃ kulalehi vā khajjamānaṃ gijjhehi vā khajjamānaṃ supāṇehi vā khajjamānaṃ siggālehi vā khajjamānaṃ vividehi vā pāṇaka-jātehi khajjamānaṃ,||
so imam eva kāyaṃ upasaŋharati:||
'Ayam pi kho kāyo evaṃdhammo evaṃbhāvī etaṃ anatīto,' ti.|| ||
 
[296] Iti ajjhattaṃ vā kāye kāyānupassī viharati,||
bahiddhā vā kāye kāyānupassī viharati,||
ajjhatta-bahiddhā vā kāye kāyānupassī viharati.|| ||
Samudaya-dhammānupassī vā kāyasmiṃ viharati,||
vaya-dhammānupassī vā kāyasmiṃ viharati,||
samudaya-vaya-dhammānupasī vā kāyasmiṃ viharati.|| ||
'Atthi kāyo,' ti vā pan'assa sati paccupaṭṭhitā hoti yāvad-eva ñāṇa-mattāya patissati-mattāya.|| ||
Anissito ca viharati na ca kiñci loke upādiyati.|| ||
Evam-pi bhikkhave bhikkhu kāye kāyānupassī viharati.|| ||
 
[9][wrrn][pts][wp][bd] Puna ca paraṃ bhikkhave bhikkhu seyyathā pi passeyya sarīraṃ sīvahikāya chaḍḍitaṃ,||
aṭṭhi-saŋkhalikaṃ sa-maṃsa-lohitaṃ nahāru-sambandhaṃ,||
so imam eva kāyaṃ upasaŋharati:||
'Ayam pi kho kāyo evaṃ-dhammo evaṃ-bhāvi etaṃ anatīto,' ti.|| ||
 
Iti ajjhattaṃ vā kāye kāyānupassī viharati,||
bahiddhā vā kāye kāyānupassī viharati,||
ajjhatta-bahiddhā vā kāye kāyānupassī viharati.|| ||
Samudaya-dhammānupassī vā kāyasmiṃ viharati,||
vaya-dhammānupassī vā kāyasmiṃ viharati,||
samudaya-vaya-dhammānupasī vā kāyasmiṃ viharati.|| ||
'Atthi kāyo,' ti vā pan'assa sati paccupaṭṭhitā hoti yāvad-eva ñāṇa-mattāya patissati-mattāya.|| ||
Anissito ca viharati na ca kiñci loke upādiyati.|| ||
Evam-pi bhikkhave bhikkhu kāye kāyānupassī viharati.|| ||
 
Puna ca paraṃ bhikkhave bhikkhu seyyathā pi passeyya sarīraṃ sīvahikāya chaḍḍitaṃ,||
aṭṭhi-sŋkhalikaṃ nimmaṃsa-lohitamakkhitaṃ nahāru-sambandhaṃ,||
so imam eva kāyaṃ upasaŋharati:||
'Ayam pi kho kāyo evaṃ-dhammo evaṃ-bhāvi etaṃ anatīto,' ti.|| ||
 
Iti ajjhattaṃ vā kāye kāyānupassī viharati,||
bahiddhā vā kāye kāyānupassī viharati,||
ajjhatta-bahiddhā vā kāye kāyānupassī viharati.|| ||
Samudaya-dhammānupassī vā kāyasmiṃ viharati,||
vaya-dhammānupassī vā kāyasmiṃ viharati,||
samudaya-vaya-dhammānupasī vā kāyasmiṃ viharati.|| ||
'Atthi kāyo,' ti vā pan'assa sati paccupaṭṭhitā hoti yāvad-eva ñāṇa-mattāya patissati-mattāya.|| ||
Anissito ca viharati na ca kiñci loke upādiyati.|| ||
Evam-pi bhikkhave bhikkhu kāye kāyānupassī viharati.|| ||
 
Puna ca paraṃ bhikkhave bhikkhu seyyathā pi passeyya sarīraṃ sīvahikāya chaḍḍitaṃ,||
aṭṭhi-saŋkhalikaṃ apagata-maṃsa-lohitaṃ nahāru-sambandhaṃ,||
so imam eva kāyaṃ upasaŋharati:||
'Ayam pi kho kāyo evaṃ-dhammo evaṃ-bhāvi etaṃ anatīto,' ti.|| ||
 
Iti ajjhattaṃ vā kāye kāyānupassī viharati,||
bahiddhā vā kāye kāyānupassī viharati,||
ajjhatta-bahiddhā vā kāye kāyānupassī viharati.|| ||
Samudaya-dhammānupassī vā kāyasmiṃ viharati,||
vaya-dhammānupassī vā kāyasmiṃ viharati,||
samudaya-vaya-dhammānupasī vā kāyasmiṃ viharati.|| ||
'Atthi kāyo,' ti vā pan'assa sati paccupaṭṭhitā hoti yāvad-eva ñāṇa-mattāya patissati-mattāya.|| ||
Anissito ca viharati na ca kiñci loke upādiyati.|| ||
Evam-pi bhikkhave bhikkhu kāye kāyānupassī viharati.|| ||
 
Puna ca paraṃ bhikkhave bhikkhu seyyathā pi passeyya sarīraṃ sīvahikāya chaḍḍitaṃ,||
aṭṭhikāni upagata-sambandhāni disā-vidisāsu vikkhittāni aññene hatthattikaṃ aññena pādaṭṭhikaṃ aññena jaŋghaṭṭhikaṃ aññena ūraṭṭhikaṃ aññena kaṭaṭṭhikaṃ [297] aññena piṭṭhi-kaṇṭakaṃ aññena sīsa-kaṭāhaṃ,||
so imam eva kāyaṃ upasaŋharati:||
'Ayam pi kho kāyo evaṃ-dhammo evaṃ-bhāvi etaṃ anatīto,' ti.|| ||
 
Iti ajjhattaṃ vā kāye kāyānupassī viharati,||
bahiddhā vā kāye kāyānupassī viharati,||
ajjhatta-bahiddhā vā kāye kāyānupassī viharati.|| ||
Samudaya-dhammānupassī vā kāyasmiṃ viharati,||
vaya-dhammānupassī vā kāyasmiṃ viharati,||
samudaya-vaya-dhammānupasī vā kāyasmiṃ viharati.|| ||
'Atthi kāyo,' ti vā pan'assa sati paccupaṭṭhitā hoti yāvad-eva ñāṇa-mattāya patissati-mattāya.|| ||
Anissito ca viharati na ca kiñci loke upādiyati.|| ||
Evam-pi bhikkhave bhikkhu kāye kāyānupassī viharati.|| ||
 
[10][wrrn][pts][wp][bd] Puna ca paraṃ bhikkhave bhikkhu seyyathā pi passeyya sarīraṃ sīvathikāya chaḍḍitaṃ,||
aṭṭhikāni setāni saŋkha-vaṇṇūpanibhāni,||
so imam eva kāyaṃ upasaŋharati:||
'Ayam pi kho kāyo evaṃ-dhammo evaṃ-bhāvi etaṃ anatīto,' ti.|| ||
 
Iti ajjhattaṃ vā kāye kāyānupassī viharati,||
bahiddhā vā kāye kāyānupassī viharati,||
ajjhatta-bahiddhā vā kāye kāyānupassī viharati.|| ||
Samudaya-dhammānupassī vā kāyasmiṃ viharati,||
vaya-dhammānupassī vā kāyasmiṃ viharati,||
samudaya-vaya-dhammānupasī vā kāyasmiṃ viharati.|| ||
'Atthi kāyo,' ti vā pan'assa sati paccupaṭṭhitā hoti yāvad-eva ñāṇa-mattāya patissati-mattāya.|| ||
Anissito ca viharati na ca kiñci loke upādiyati.|| ||
Evam-pi bhikkhave bhikkhu kāye kāyānupassī viharati.|| ||
 
Puna ca paraṃ bhikkhave bhikkhu seyyathā pi passeyya sarīraṃ sīvathikāya chaḍḍitaṃ,||
aṭṭhikāni puñjakitāni terovassikāni,||
so imam eva kāyaṃ upasaŋharati:||
'Ayam pi kho kāyo evaṃ-dhammo evaṃ-bhāvi etaṃ anatīto,' ti.|| ||
 
Iti ajjhattaṃ vā kāye kāyānupassī viharati,||
bahiddhā vā kāye kāyānupassī viharati,||
ajjhatta-bahiddhā vā kāye kāyānupassī viharati.|| ||
Samudaya-dhammānupassī vā kāyasmiṃ viharati,||
vaya-dhammānupassī vā kāyasmiṃ viharati,||
samudaya-vaya-dhammānupasī vā kāyasmiṃ viharati.|| ||
'Atthi kāyo,' ti vā pan'assa sati paccupaṭṭhitā hoti yāvad-eva ñāṇa-mattāya patissati-mattāya.|| ||
Anissito ca viharati na ca kiñci loke upādiyati.|| ||
Evam-pi bhikkhave bhikkhu kāye kāyānupassī viharati.|| ||
 
Puna ca paraṃ bhikkhave bhikkhu seyyathā pi passeyya sarīraṃ sīvathikāya chaḍḍitaṃ,||
aṭṭhikāni pūtīni cuṇṇakajātāni,||
so imam eva kāyaṃ upasaŋharati:||
'Ayam pi kho kāyo evaṃ-dhammo evaṃ-bhāvi etaṃ anatīto,' ti.|| ||
 
Iti ajjhattaṃ vā kāye kāyānupassī viharati,||
bahiddhā vā kāye [298] kāyānupassī viharati,||
ajjhatta-bahiddhā vā kāye kāyānupassī viharati.|| ||
Samudaya-dhammānupassī vā kāyasmiṃ viharati,||
vaya-dhammānupassī vā kāyasmiṃ viharati,||
samudaya-vaya-dhammānupasī vā kāyasmiṃ viharati.|| ||
'Atthi kāyo,' ti vā pan'assa sati paccupaṭṭhitā hoti yāvad-eva ñāṇa-mattāya patissati-mattāya.|| ||
Anissito ca viharati na ca kiñci loke upādiyati.|| ||
Evam-pi bhikkhave bhikkhu kāye kāyānupassī viharati.|| ||
 
 
[11][wrrn][pts][wp][ati][bd] Kathañ ca bhikkhave bhikkhu vedanāsu vedanānupassī viharati?|| ||
Idha, bhikkhave, bhikkhu sukhaṃ vedanaṃ vediyamāno:||
'Sukhaṃ vedanaṃ vediyāmī' ti.pajānati;||
dukkhaṃ vedanaṃ vediyamāno:||
'Dukkhaṃ vedanaṃ vediyāmī' ti.pajānati;||
adukkhamamasukhaṃ vedanaṃ vediyamāno:||
'Adukkhamamasukhaṃ vedanaṃ vediyāmī' ti.pajānati.|| ||
Sāmisaṃ vā sukhaṃ vedanaṃ vediyamāno:||
'Sāmisaṃ sukhaṃ vedanaṃ vediyāmī' ti.pajānāti.|| ||
Nirāmisaṃ vā sukhaṃ vedanaṃ vediyamāno:||
'Nirāmisaṃ sukhaṃ vedanaṃ vediyāmī' ti.pajānāti.|| ||
Sāmisaṃ vā dukkhaṃ vedanaṃ vediyamāno:||
'Sāmisaṃ dukkhaṃ vedanaṃ vediyāmī' ti.pajānāti.|| ||
Nirāmisaṃ vā dukkkhaṃ vedanaṃ vediyamāno:||
'Nirāmisaṃ dukkhaṃ vedanaṃ vediyāmī' ti.pajānāti.|| ||
Sāmisaṃ vā adukkhamamasukhaṃ vedanaṃ vediyamāno:||
'Sāmisaṃ adukkhamamasukhaṃ vedanaṃ vediyāmī' ti.pajānāti.|| ||
Nirāmisaṃ vā adukkhamamasukhaṃ vedanaṃ vediyamāno:||
'Nirāmisaṃ vā adukkhamamasukhaṃ vedanaṃ vediyāmī' ti.pajānāti.||
 
Iti ajjhattaṃ vā vedanāsu vedanānupassī viharati;||
bahiddhā va vedanaṃ vediyamāno viharati,||
ajjhattabahiddna vā vedanaṃ vediyamāno viharati.|| ||
Samudaya-dhammānupassī vā vedanāsu viharati,||
vaya- [299] dhammānupassī vā vedanaṃ vediyamāno,||
samudayavaya dhammānupassī vā vedanaṃ vediyamāno.|| ||
'Atthi vedanā' ti vā pan'assa sati paccupaṭṭhitā hoti yāvad-eva ñāṇamattāya patissati mattāya.|| ||
Anissito ca viharati na ca kiñci loke upādiyati.|| ||
Evaṃ kho bhikkhave bhikkhu vedanāsu vedanānupassī viharati.|| ||
 
 
[12][wrrn][pts][wp][ati][bd] Kathañ-ca bhikkhave bhikkhu citte cittānupassī viharati?|| ||
Idha, bhikkhave, bhikkhu sarāgaṃ vā cittaṃ||
'Sarāgaṃ cittan' ti pajānāti;||
vītarāgaṃ vā cittaṃ||
'Vītarāgaṃ cittan' ti pajānāti;||
sadosaṃ vā cittaṃ||
'Sadosaṃ cittan' ti pajānāti;||
vītadosaṃ vā cittaṃ||
'Vītadosaṃ cittan' ti pajānāti;||
samohaṃ vā cittaṃ||
'Samohaṃ cittan' ti pajānāti;||
vītamohaṃ vā cittaṃ||
'Vītamohaṃ cittan' ti pajānāti;||
saŋkhittaṃ vā cittaṃ||
'Saŋkhittaṃ cittan' ti pajānāti;,||
vikkhittaṃ vā cittaṃ||
'Vikkhittaṃ cittan' ti pajānāti;||
mahaggataṃ vā cittaṃ||
'Mahaggataṃ cittaṃ' ti pajānāti;||
amahaggataṃ vā cittaṃ||
'Amahaggataṃ cittaṃ' ti pajānāti;||
sa-uttaraṃ vā cittaṃ||
'Sa-uttaraṃ cittaṃ' ti pajānāti;||
anuttaraṃ vā cittaṃ||
'Anuttaraṃ cittan' ti pajānāti;||
samāhitaṃ vā cittaṃ||
'Samāhitaṃ cittan' ti pajānāti;||
asamāhitaṃ vā cittaṃ||
'Asamāhitaṃ cittan' ti pajānāti;||
vimuttaṃ vā cittaṃ||
'Vimuttaṃ cittan' ti pajānāti;||
avimuttaṃ vā cittaṃ||
'Avimuttaṃ cittan' ti pajānāti.|| ||
 
Iti ajjhattaṃ vā citte cittānupassī viharati,||
bahiddhā vā citte cittānupassī viharati,||
ajjhattabahiddhā vā citte cittānupassī viharati.|| ||
Samudaya-dhammānupassī vā cittasmiṃ viharati,||
vaya-dhammānupassī vā cittasmiṃ viharati,||
samudayavayadhammānupassī vā cittasmiṃ viharati.|| ||
'Atthi cittan' ti vā pan'assa sati paccupaṭṭhitā [300] hoti yāvad-eva ñāṇamattāya patissati mattāya.|| ||
Anissito ca viharati na ca kiñci loke upādiyati.|| ||
Evaṃ kho bhikkhave bhikkhu citte cittānupassī viharati.|| ||
 
 
[13][wrrn][pts][wp][ati][bd] Kathañ-ca bhikkhave bhikkhu dhammesu dhammānupassī viharati?|| ||
Idha, bhikkhave, bhikkhu dhammesu dhammānupassī viharati pañcasu nīvaraṇesu.|| ||
Kathañ-ca bhikkhave bhikkhu dhammesu dhammānupassī vhharati pañcasu nīvaraṇesu?|| ||
Idha, bhikkhave, bhikkhu santaṃ vā ajjhattaṃ kāmacchandaṃ:||
'Atthi me ajjhattaṃ kāmacchando' ti pajānāti,||
asantaṃ vā ajjhattaṃ kāmacchandaṃ:||
'N'atthi me ajjhattaṃ kāmacchando' ti pajānāti.|| ||
Yathā ca anuppannassa kāmacchandassa uppādo hoti tañ-ca pajānāti,||
yathā ca uppannassa kāmacchandassa pahānaṃ hoti tañ-ca pajānāti,||
yathhā ca pahīnassa kāmacchandassa āyatiṃ anuppādo hoti tañ-ca pajānāti.|| ||
Santaṃ vā ajjhattaṃ vyāpādaṃ:||
'Atthi me ajjhattaṃ vyāpādo' ti pajānāti,||
asantaṃ vā ajjhattaṃ vyāpādo:||
'N'atthi me ajjhattaṃ vyāpādo' ti pajānāti.|| ||
Yathā ca anuppannāya vyāpādaassa uppādo hoti tañ-ca pajānāti,||
yathā ca uppannāya vyāpādaassa pahānaṃ hoti tañ-ca pajānati,||
yathā ca pahīnāya vyāpādaassa āyatiṃ anuppādo hoti tañ-ca pajānāti.|| ||
Santaṃ vā ajjhattaṃ thīnamiddhaṃ:||
'Atthi me ajjhattaṃ thīnamiddhan' ti pajānāti,||
asantaṃ vā ajjhattaṃ thīnamiddhan:||
'N'atthi me ajjhattaṃ thīnamiddhan' ti pajānāti.|| ||
Yathā ca anuppannāya thīnamiddhassa uppādo hoti tañ-ca pajānāti,||
yathā ca uppannāya thīnamiddhassa pahānaṃ hoti tañ-ca pajānati,||
yathā ca pahīnāya thīnamiddhassa āyatiṃ anuppādo hoti tañ-ca pajānāti.|| ||
Santaṃ vā ajjhattaṃ uddhaccakukkuccaṃ:||
'Atthi me [301] ajjhattaṃ uddhaccakukkuccan' ti pajānāti,||
asantaṃ vā ajjhattaṃ uddhaccakukkuccan:||
'N'atthi me ajjhattaṃ uddhaccakukkuccan' ti pajānāti.|| ||
Yathā ca anuppannāya uddhaccakukkuccassa uppādo hoti tañ-ca pajānāti,||
yathā ca uppannāya uddhaccakukkuccassa pahānaṃ hoti tañ-ca pajānati,||
yathā ca pahīnāya uddhaccakukkuccassa āyatiṃ anuppādo hoti tañ-ca pajānāti.|| ||
Santaṃ vā ajjhattaṃ vicikicchaṃ:||
'Atthi me ajjhattaṃ vicikicchā' ti pajānāti,||
asantaṃ vā ajjhattaṃ vicikicchaṃ:||
'N'atthi me ajjhattaṃ vicikicchā' ti pajānāti.|| ||
Yathā ca anuppannāya vicikicchāya uppādo hoti tañ-ca pajānāti,||
yathā ca uppannāya vicikicchāya pahānaṃ hoti tañ-ca pajānati,||
yathā ca pahīnāya vicikicchāya āyatiṃ anuppādo hoti tañ-ca pajānāti.|| ||
 
Iti ajjhattaṃ vā dhammesu dhammānupassī viharati,||
bahiddhā vā dhammesu dhammānupassī viharati,||
ajjhattabahiddhā vā dhammesu dhammānupassī viharati.|| ||
Samudaya-dhammānupassī vā dhammesu viharati,||
vaydhammānupassī vā dhammesu viharati,||
samudaya-vaya-dhammānupassī vā dhammesu viharati.|| ||
'Atthi dhammā' ti vā pan'assa sati paccupaṭṭhitā hoti yāvad-eva ñāṇamattāya patissati mattāya.|| ||
Anissito ca viharati na ca kiñci loke upādiyati.|| ||
Evaṃ kho bhikkhave bhikkhu dhammesu dhammānupassī viharati pañcasu nīvaraṇesu.|| ||
 
§
 
[14][wrrn][pts][wp][ati][bd] Puna ca paraṃ bhikkhave bhikkhu dhammesu dhammānupassī viharati pañcas'upādānakkhandhesu.|| ||
Kathañ-ca bhikkhave bhikkhu dhammesu dhammānupassī viharati pañcas'upādānakkhandesu?|| ||
Idha, bhikkhave, bhikkhu:||
'Iti rūpaṃ, iti rūpassa samudayo, iti rūpassa atthagamo;||
iti vedanā, iti vedanāya samudayo; iti vedanāya atthagamo;||
iti saññā, iti saññāya samudayo, iti saññāya atthagamo;||
iti saŋkhārā, [302] iti saŋkhārāṇaṃ samudayo, iti saŋkhārāṇaṃ atthagamo;||
iti viññāṇaṃ, iti viññāṇassa samudayo, iti viññāṇassa atthagamo' ti.|| ||
 
Iti ajjhattaṃ vā dhammesu dhammānupassī viharati,||
bahiddhā vā dhammesu dhammānupassī viharati,||
ajjhattabahiddhā vā dhammesu dhammānupassī viharati.|| ||
Samudaya-dhammānupassī vā dhammesu viharati,||
vaydhammānupassī vā dhammesu viharati,||
samudaya-vaya-dhammānupassī vā dhammesu viharati.|| ||
'Atthi dhammā' ti vā pan'assa sati paccupaṭṭhitā hoti yāvad-eva ñāṇamattāya patissati mattāya.|| ||
Anissito ca viharati na ca kiñci loke upādiyati.|| ||
Evaṃ kho bhikkhave bhikkhu dhammesu dhammānupassī viharati pañcas'upādānakkhandhesu.|| ||
 
§
 
[15][wrrn][pts][wp][ati][bd] Puna ca paraṃ bhikkhave bhikkhu dhammesu dhammānupassī viharati chasu ajjhattikabāhiresu āyatanesu.|| ||
Kathañ-ca bhikkhave bhikkhu dhammesu dhammānupassī viharati chasu ajjhattikabāhiresu āyatanesu?|| ||
Ihha bhikkhave bhikkhu cakkhuñ-ca pajānāti rūpe ca pajānāti,||
yañ-ca tad-ubhayaṃ paṭicca uppajjati saṃyojanam tañ-ca pajānāti,||
yathā ca anuppannassa saṃyojanassa uppādo hoti tañ-ca pajānāti,||
yathā ca uppannassa saṃyojanassa pahānaṃ hoti tañ-ca pajāāti,||
yathā ca pahīnassa saṃyojanassa āyatiṃ anuppādo hoti tañ-ca pajānāti|| ||
Sotañ-ca pajānāti sadde ca pajānāti||
yañ-ca tad-ubhayaṃ paṭicca uppajjati saṃyojanam tañ-ca pajānāti,||
yathā ca anuppannassa saṃyojanassa uppādo hoti tañ-ca pajānāti,||
yathā ca uppannassa saṃyojanassa pahānaṃ hoti tañ-ca pajāāti,||
yathā ca pahīnassa saṃyojanassa āyatiṃ anuppādo hoti tañ-ca pajānāti.|| ||
Ghānañ-ca pajānāti gandhe ca pajānāti||
yañ-ca tad-ubhayaṃ paṭicca uppajjati saṃyojanam tañ-ca pajānāti,||
yathā ca anuppannassa saṃyojanassa uppādo hoti tañ-ca pajānāti,||
yathā ca uppannassa saṃyojanassa pahānaṃ hoti tañ-ca pajāāti,||
yathā ca pahīnassa saṃyojanassa āyatiṃ anuppādo hoti tañ-ca pajānāti.|| ||
Jivhañ-ca pajānāti rase ca pajāti||
yañ-ca tad-ubhayaṃ paṭicca uppajjati saṃyojanam tañ-ca pajānāti,||
yathā ca anuppannassa saṃyojanassa uppādo hoti tañ-ca pajānāti,||
yathā ca uppannassa saṃyojanassa pahānaṃ hoti tañ-ca pajāāti,||
yathā ca pahīnassa saṃyojanassa āyatiṃ anuppādo hoti tañ-ca pajānāti.|| ||
Kāyañ-ca pajānāti phoṭṭhabbe ca pajāāti||
yañ-ca tad-ubhayaṃ paṭicca uppajjati saṃyojanam tañ-ca pajānāti,||
yathā ca anuppannassa saṃyojanassa uppādo hoti tañ-ca pajānāti,||
yathā ca uppannassa saṃyojanassa pahānaṃ hoti tañ-ca pajāāti,||
yathā ca pahīnassa saṃyojanassa āyatiṃ anuppādo hoti tañ-ca pajānāti.|| ||
Manañ-ca pajānāti dhamme ca pajānāti,||
yañ-ca tad [303] ubhayaṃ paṭicca uppajjati saṃyojanaṃ tañ-ca pajānāti,||
yathā ca anuppannassa saṃyojanassa uppādo hoti tañ-ca pajānāti,||
yathā ca uppannassa saṃyojanassa pahānaṃ hoti tañ-ca pajānāti,||
yathā ca pahīnassa saṃyohanassa āyatiṃ anuppādo hoti tañ-ca pajānāti.|| ||
 
Iti ajjhattaṃ vā dhammesu dhammānupassī viharati,||
bahiddhā vā dhammesu dhammānupassī viharati,||
ajjhattabahiddhā vā dhammesu dhammānupassī viharati.|| ||
Samudaya-dhammānupassī vā dhammesu viharati,||
vaydhammānupassī vā dhammesu viharati,||
samudaya-vaya-dhammānupassī vā dhammesu viharati.|| ||
'Atthi dhammā' ti vā pan'assa sati paccupaṭṭhitā hoti yāvad-eva ñāṇamattāya patissatimattāya.|| ||
Anissito ca viharati na ca kiñci loke upādiyati.|| ||
Evaṃ kho bhikkhave bhikkhu dhammesu dhammānupassī viharati chasu ajjhattikabāhiresu āayatanesu.|| ||
 
§
 
[16][wrrn][pts][wp][ati][bd] Puna ca paraṃ bhikkhave bhikkhu dhammesu dhammānupassī viharati sattasu bojjhaŋgesu.|| ||
Kathañ-ca bhikkhave bhikkhu dhammesu dhammānupassī viharati sattasu bojjhaŋgesu?|| ||
Idha, bhikkhave, bhikkhu santaṃ vā ajjhattaṃ sati-sambojjhaŋgaṃ:||
'Atthi me ajjhattaṃ sati-sambojjhaŋgo' ti pajānāti.|| ||
Asantaṃ vā ajjhattaṃ sati-sambojjhaŋgaṃ:||
'N'atthi me ajjhattaṃ sati-sambojjhaŋgo' ti pajānāti.|| ||
Yathā ca anuppannassa sati-sambojjhaŋgassa uppādo hoti tañ-ca pajānāti,||
yathā ca uppannassa sati-sambojjhaŋgassa bhāvanāpāripūrī hoti tañ-ca pajānāti.|| ||
 
Santaṃ vā ajjhattaṃ dhammavicaya-sambojjhaŋgaṃ:||
'Atthi me ajjhattaṃ dhammavicaya-sambojjhaŋgo' ti pajānāti.|| ||
Asantaṃ vā ajjhattaṃ dhammavicaya-sambojjhaŋgaṃ:||
'N'atthi me ajjhattaṃ dhammavicaya-sambojjhaŋgo' ti pajānāti.|| ||
Yathā ca anuppannassa dhammavicaya-sambojjhaŋgassa uppādo hoti tañ-ca pajānāti,||
yathā ca uppannassa dhammavicaya-sambojjhaŋgassa bhāvanāpāripūrī hoti tañ-ca pajānāti.|| ||
 
Santaṃ vā ajjhattaṃ viriya-sambojjhaŋgaṃ:||
'Atthi me ajjhattaṃ viriya-sambojjhaŋgo' ti pajānāti.|| ||
Asantaṃ vā ajjhattaṃ viriya-sambojjhaŋgaṃ:||
'N'atthi me ajjhattaṃ viriya-sambojjhaŋgo' ti pajānāti.|| ||
Yathā ca anuppannassa viriya-sambojjhaŋgassa uppādo hoti tañ-ca pajānāti,||
yathā ca uppannassa viriya-sambojjhaŋgassa bhāvanāpāripūrī hoti tañ-ca pajānāti.|| ||
 
Santaṃ vā ajjhattaṃ pīti-sambojjhaŋgaṃ:||
'Atthi me ajjhattaṃ pīti-sambojjhaŋgo' ti pajānāti.|| ||
Asantaṃ vā ajjhattaṃ pīti-sambojjhaŋgaṃ:||
'N'atthi me ajjhattaṃ pīti-sambojjhaŋgo' ti pajānāti.|| ||
Yathā ca anuppannassa pīti-sambojjhaŋgassa uppādo hoti tañ-ca pajānāti,||
yathā ca uppannassa pīti-sambojjhaŋgassa bhāvanāpāripūrī hoti tañ-ca pajānāti.|| ||
 
[304] Santam vā ajjhattaṃ passaddhi-sambojjhaŋgaṃ:||
'Atthi me ajjhattaṃ passaddhi-sambojjhaŋgo' ti pajānāti.|| ||
Asantaṃ vā ajjhattaṃ passaddhi-sambojjhaŋgaṃ:||
'N'atthi me ajjhattaṃ passaddhi-sambojjhaŋgo' ti pajānāti.|| ||
Yathā ca anuppannassa passaddhi-sambojjhaŋgassa uppādo hoti tañ-ca pajānāti,||
yathā ca uppannassa passaddhi-sambojjhaŋgassa bhāvanāpāripūrī hoti tañ-ca pajānāti.|| ||
 
Santaṃ vā ajjhattaṃ samādhi-sambojjhaŋgaṃ:||
'Atthi me ajjhattaṃ samādhi-sambojjhaŋgo' ti pajānāti.|| ||
Asantaṃ vā ajjhattaṃ samādhi-sambojjhaŋgaṃ:||
'N'atthi me ajjhattaṃ samādhi-sambojjhaŋgo' ti pajānāti.|| ||
Yathā ca anuppannassa samādhi-sambojjhaŋgassa uppādo hoti tañ-ca pajānāti,||
yathā ca uppannassa samādhi-sambojjhaŋgassa bhāvanāpāripūrī hoti tañ-ca pajānāti.|| ||
 
Santaṃ vā ajjhattaṃ upekhā-sambojjhaŋgaṃ:||
'Atthi me ajjhattaṃ upekhā-sambojjhaŋgaṃ:|| ||
Asantaṃ vā ajjhattaṃ upekhā-sambojjhaŋgaṃ:||
'N'atthi me ajjhattaṃ upekhā-sambojjhaŋgo ti pajānāti.|| ||
Yatha ca anuppannassa upekhā-sambojjhaŋgassa uppādo hoti tañ-ca pajānāti,||
yathā ca uppannassa upekhā-sambojjhaŋgassa bhāvanāpāripūrī hoti tañ-ca pajānāti.|| ||
 
Iti ajjhattaṃ vā dhammesu dhammānupassī viharati,||
bahiddhā vā dhammesu dhammānupassī viharati,||
ajjhattabahiddhā vā dhammesu dhammānupassī viharati.|| ||
Samudaya-dhammānupassī vā dhammesu viharati,||
vaydhammānupassī vā dhammesu viharati,||
samudaya-vaya-dhammānupassī vā dhammesu viharati.|| ||
'Atthi dhammā' ti vā pan'assa sati paccupaṭṭhitā hoti yāvad-eva ñāṇamattāya patissati mattāya.|| ||
Anissito ca viharati na ca kiñci loke upādiyati.|| ||
Evaṃ kho bhikkhave bhikkhu dhammesu dhammānupassī viharati sattasu bojjhaŋgesu.|| ||
 
§
 
[17][wrrn][pts][wp][ati][bd] Puna ca paraṃ bhikkhave bhikkhu dhammesu dhammānupassī viharati catusu ariyasaccesu.|| ||
Kathañ-ca bhikkhave bhikkhu dhammesu dhammānupassī viharati catusu ariyasaccesu?|| ||
Idha, bhikkhave, bhikkhu:||
'Idaṃ dukkhan' ti yathābhūtaṃ pajānāti,||
'Ayaṃ dukkhasamudayo' ti yathābhūtaṃ pajānāti,||
'Ayaṃ dukkha-nirodho' ti yathābhūtaṃ pajānāti,||
'Ayaṃ dukkha-nirodha-gāminī paṭipadā' ti yathābhūtaṃ pajāāti.|| ||
 
Iti ajjhattaṃ vā dhammesu dhammānupassī viharati,||
bahiddhā vā dhammesu dhammānupassī viharati,||
ajjhattabahiddhā vā dhammesu dhammānupassī viharati.|| ||
Samudaya-dhammānupassī vā dhammesu viharati,||
vaydhammānupassī vā dhammesu viharati,||
samudaya-vaya-dhammānupassī vā dhammesu viharati.|| ||
'Atthi dhammā' ti vā pan'assa sati paccupaṭṭhitā hoti yāvad-eva ñāṇamattāya patissati mattāya.|| ||
Anissito ca viharati na ca kiñci loke upādiyati.|| ||
Evaṃ kho bhikkhave bhikkhu dhammesu dhammānupassī viharati catusu ariya-saccesu.|| ||
 
[305] [18][wrrn][pts][wp][ati][bd] Katamañ ca bhikkhave dukkhaṃ ariya-saccaṃ?|| ||
Jāti pi dukkhā, jarā pi dukkhā, [vyādhi pi dukkhā], maraṇam pi dukkhaṃ, soka-parideva-dukkha-domanass'-upāyāsā pi dukkhā, yam p'icchaṃ na labhati tam pi dukkhaṃ, saṃkhittena pañcupādānakkhandhā dukkhā.
Katamā ca bhikkhave jāti?|| ||
Yā tesaṃ tesaṃ sattānaṃ tamhi tamhi satta-nikāye jāti sañjāti okkanti abhinibbatti khandānaṃ pātu-bhāvo āyatanānaṃ paṭilābho,||
ayaṃ vuccati bhikhave jāti.|| ||
Katamā ca bhikkhave jarā?|| ||
Yā tesaṃ tesaṃ sattānam tamhi tamhi satta-nikāye jarā jīraṇatā khaṇḍiccaṃ pāliccaṃ valittacatā āyuno saṃhāni indriyānaṃ paripāko,||
ayaṃ vuccati bhikkhave jarā.|| ||
Katamañ ca bhikkhave maraṇaṃ?|| ||
Yam tesaṃ tesaṃ sattānaṃ tamhā tamhā satta-nikāyā cuti cavanatā bhedo antaradhānaṃ maccu maraṇaṃ kāla-kiriyā khandhānaṃ bhedo ka'ebarassa nikkhepo,||
idaṃ vuccati bhikkhave maraṇaṃ.|| ||
Katamo ca bhikkhave soko?|| ||
Yo kho bhikkhave aññataraññatarena vyasanena samannāgatassa aññatar- [306] aññatarena dukkha-dhammena phuṭṭhassa soko socanā socitattaṃ anto-soko anto-parisoko,||
ayaṃ vuccati bhikkhave soko.|| ||
Katamo ca bhikkhave paridevo?|| ||
Yo kho bhikkhave aññataraññatarena vyasanena sammannāgatassa aññataraññatarena dukkha-dhammena phuṭṭhassa ādevo paridevo ādevanā paridevanā ādevitattaṃ paridevitattaṃ,||
ayaṃ vucati bhikkhave paridevo.|| ||
Katamañ ca bhikkhave dukkhaṃ?|| ||
Yaṃ kho bhikkhave kāyikaṃ dukkhaṃ kāyikaṃ asātaṃ kāya-samphassajaṃ dukkhaṃ asātaṃ vedayitaṃ,||
idaṃ vuccati bhikkhave dukkhaṃ.|| ||
Katamañ ca bhikkhave domanassaṃ?|| ||
Yaṃ kho bhikkhave cetasikaṃ dukkhaṃ cetasikaṃ asātaṃ manosammphassajaṃ dukkhaṃ asātaṃ vedayitaṃ,||
idaṃ vuccati bhikkhave domanassaṃ.|| ||
Katamo ca bhikkhave upāyāso?|| ||
Yo kho bhikkhave aññataraññatarena vyasanenna sammannāgatassa aññataraññatarenna dukkha-dhammena phuṭṭhassa āyāso upāyāso āyāsitattaṃ upāyāsitattaṃ,||
ayaṃ vuccati bhikkhave upāyāso.|| ||
[307] Katamañ ca bhikkhave yam p'icchaṃ na labhati tam pi dukkhaṃ?|| ||
Jāti-dhammānaṃ bhikkhave sattānaṃ evaṃ icchā uppajjati:||
Aho vata mayaṃ na jāti-dhammā assāma,||
na ca vata no jāti āgaccheyyāti.|| ||
Na kho pan'etaṃ icchāya pattabbaṃ.|| ||
Idam pi yam p'icchaṃ na labhati tam pi dukkhaṃ.|| ||
 
Jarā-dhammānaṃ bhikkhave sattānaṃ evaṃ icchā uppajjati:||
Aho vata mayaṃ na jarā-dhammā assāma,||
na ca vata no jarā āgaccheyyāti.|| ||
Na kho pan'etaṃ icchāya pattabbaṃ.|| ||
Idam pi yam p'icchaṃ na labhati tam pi dukkhaṃ.|| ||
 
Vyādhi-dhammānaṃ bhikkhave sattānaṃ evaṃ icchā uppajjati:||
Aho vata mayaṃ na vyādhi-dhammā assāma,||
na ca vata no vyādhi āgaccheyyāti.|| ||
Na kho pan'etaṃ icchāya pattabbaṃ.|| ||
Idam pi yam p'icchaṃ na labhati tam pi dukkhaṃ.|| ||
 
Maraṇa-dhammānaṃ bhikkhave sattānam evaṃ icchā uppajjati:||
Aho vata mayaṃ na maraṇa-dhammā assāma,||
na ca vata no maraṇa āgaccheyyāti.|| ||
Na kho pan'etaṃ icchāya pattabbaṃ.|| ||
Idam pi yam p'icchaṃ na labhati tam pi dukkhaṃ.|| ||
 
Soka-parideva-dukkha-domanass-upāyāsa-dhammānaṃ bhikkhave sattānaṃ evaṃ icchā uppajjati:||
Aho vata mayaṃ na soka-parideva-dukkha-domanassa-upāyāsa-dhammā assāma,||
na ca vata no soka-parideva-dukkha-domanassa-upāyāsā āgaccheyyun ti|| ||
Na kho pan' etaṃ icchāya pattabbaṃ.|| ||
Idam pi yam p'icchaṃ na labhati tam pi dukkhaṃ.|| ||
 
Katame ca bhikkhave saṃkhittena pañcupādānakkhandā dukkhā?|| ||
Seyyathīdaṃ rūpūpādānakkhandho vedanūpādānakkhandho saññūpādānakkhandho saṃkhārūpādānakkhandho viññāṇūpapādānakkhando, ime vuccanti bhikkhave saṃkhittena pañcupādānakkhandhā dukkhā.|| ||
Idaṃ vuccati bhikkhave dukkhaṃ ariya-saccaṃ.|| ||
 
§§
 
[308] [19][wrrn][pts][wp][ati][bd] Katamañ ca bhikkhave dukkha-samudayaṃ ariya-saccaṃ?|| ||
Yāyaṃ taṇhā ponobhavikā nandi-rāga-sahagatā tatra tatrābhinandinī,||
seyyathīdaṃ kāma-taṇhā bhava-taṇhā vibhava-taṇhā.|| ||
Sā kho pan'esā bhikkhave taṇhā kattha uppajjamānā uppajjati,||
kattha nivisamānā nivisati?|| ||
Yaṃ loke piya-rūpaṃ sāta-rūpaṃ,||
etth'esā taṇhā uppajjamāā uppajjati,||
ettha nivisamānā nivisati.|| ||
 
Kiñci loke piya-rūpaṃ sāta-rūpaṃ?|| ||
Cakkhuṃ loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Sotaṃ loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Ghānaṃ loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Jivhā loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Kāyo loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Mano loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
 
Rūpā loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Saddā loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Gandhā loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Rasā loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Phoṭṭhabbā loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Dhammā loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
 
Cakkhu-viññāṇaṃ loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Sota-viññāṇaṃ loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Ghāna-viññāṇaṃ loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Jivhā-viññāṇaṃ loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Kāya-viññāṇaṃ loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Mano-viññāṇaṃ loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
 
Cakkhu-samphasso loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Sota-samphasso loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Ghāna-samphasso loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Jivhā-samphasso loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Kāya-samphasso piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Mano-samphasso loke piya-rūpaṃ sāta-rūpaṃ,||
etth'essā taṇhā uppajjamānā uppajjati,||
ettha nivisamānā nivisati.
 
Cakkhu-samphassajā vedanā loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Sota-samphassajā vedanā loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Ghāna-camphassajā vedanā loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
[309] Jivhā-samphassajā vedanā loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Kāya-samphassajā vedanā loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
 
Mano-samphassajā vedanā loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Rūpa-saññā loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Sadda-saññā loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Gandha-saññā loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Rasa-saññā loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Phoṭṭhabba-sañña loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Dhamma-saññā loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
 
Rūpa-sañcetanā loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Sadda-sañcetanā loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Gandha-sañcetanā loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Rasa-sañcetanā loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Phoṭṭhabba-sañcentnā loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Dhamma-sañcetanā loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
 
Rūpa-taṇhā loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Sadda-taṇhā loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Gandha-taṇhā loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Rasa-taṇhā loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Phoṭṭhabba-taṇhā loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Dhamma-taṇhā loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
 
Rūpa-vitakko loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Sadda-vitakko loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Gandha-vitakko loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Rasa-vitakko loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Phoṭṭhabba-vitakko loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Dhamma-vitakko loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
 
Rūpa-vicāro loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Sadda-vicāro loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Gandha-vicāro loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Rassa-vicāro loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Phoṭṭhabba-vicāro loke piya-rūpaṃ sāta-rūpaṃ,||
etth'esā taṇhā uppajjamānā uppajjati,||
ettha nivisamānā nivisati.|| ||
Dhamma-vicāro loke piya-rūpaṃ sāta-rūpaṃ,||
etth'esā [310] taṇhā uppajamānā uppajjati,||
ettha nivisamānā nivisati.|| ||
Idaṃ vuccati bhikkhave dukkha-samudayaṃ ariya-saccaṃ.|| ||
 
§§
 
[20][wrrn][pts][wp][ati][bd] Katamañ ca bhikkhave dukkha-nirodhaṃ ariya-saccaṃ?|| ||
Yo tassā yeva taṇhāya asesa-virāga-nirodho cāgo paṭinissaggo mutti anālayo.|| ||
Sā kho pan'esā bhikkhave taṇhā kattha pahīyamānā pahīyati,||
kattha nirujjhamānā nirujjhati?|| ||
Yaṃ loke piya-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
 
Kiñci loke piya-rūpaṃ sāta-rūpaṃ?|| ||
Cakkhuṃ loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Sotaṃ loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Ghānaṃ loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Jivhā loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Kāyo loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Mano loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nivisamānā nivisati.|| ||
 
Rūpā loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Saddā loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Gandhā loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Rasā loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Phoṭṭhabbā loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Dhammā loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
 
Cakkhu-viññāṇaṃ loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Sota-viññāṇaṃ loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Ghāna-viññāṇaṃ loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Jivhā-viññāṇaṃ loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Kāya-viññāṇaṃ loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Mano-viññāṇaṃ loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
 
Cakkhu-samphasso loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Sota-samphasso loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Ghāna-samphasso loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Jivhā-samphasso loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Kāya-samphasso piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Mano-samphasso loke [311] piya-rūpaṃ sāta-rūpaṃ,||
etth'essā taṇhā pahīyamānā pahīyati,||
ettha nirujjhamānā nirujjhati.
 
Cakkhu-samphassajā vedanā loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Sota-samphassajā vedanā loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Ghāna-camphassajā vedanā loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Jivhā-samphassajā vedanā loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Kāya-samphassajā vedanā loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Mano-samphassajā vedanā loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
 
Rūpa-saññā loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Sadda-saññā loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Gandha-saññā loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Rasa-saññā loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Phoṭṭhabba-sañña loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Dhamma-saññā loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
 
Rūpa-sañcetanā loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Sadda-sañcetanā loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Gandha-sañcetanā loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Rasa-sañcetanā loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Phoṭṭhabba-sañcentnā loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Dhamma-sañcetanā loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
 
Rūpa-taṇhā loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Sadda-taṇhā loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Gandha-taṇhā loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Rasa-taṇhā loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Phoṭṭhabba-taṇhā loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Dhamma-taṇhā loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
 
Rūpa-vitakko loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Sadda-vitakko loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Gandha-vitakko loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Rasa-vitakko loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Phoṭṭhabba-vitakko loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Dhamma-vitakko loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
 
Rūpa-vicāro loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Sadda-vicāro loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Gandha-vicāro loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Rassa-vicāro loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Phoṭṭhabba-vicāro loke piya-rūpaṃ sāta-rūpaṃ,||
etth'esā taṇhā pahīyamānā pahīyati,||
ettha nirujjhamānā nirujjhati.|| ||
Dhamma-vicāro loke piya-rūpaṃ sāta-rūpaṃ,||
etth'esā taṇhā uppajamānā uppajjati,||
ettha nivisamānā nivisati.|| ||
Idaṃ vuccati bhikkhave dukkha-nirodhaṃ ariya-saccaṃ.|| ||
 
§§
 
[21][wrrn][pts][wp][ati][bd] Katamañ ca bhikkhave dukkha-nirodha-gāminī paṭipadā ariya-saccaṃ?|| ||
Ayam eva Ariyo Aṭṭhañgiko Maggo,||
seyyathīdaṃ sammā-diṭṭhi, sammā-saṃkappo, sammā-vācā, sammā kammanto, sammā-ājīvo, sammā-vāyāmo, sammā-sati, sammā-samādhi.|| ||
 
Katamā ca bhikkhave sammā-diṭṭhi?|| ||
[312] Yaṃ kho bhikhave dukkhe ñāṇaṃ dukkha-samudaye ñāṇaṃ dukkha-nirodhe ñāṇaṃ dukkha-nirodha-gāminiyā paṭipadāya ñāṇaṃ,||
ayaṃ vuccati bhikkhave sammā-diṭṭhi.|| ||
 
Katamo ca bhikkhave sammā-saṃkappo?|| ||
Nekkhamma-saṃkappo, avyāpāda-saṃkappo, avihiṃsā-saṃkappo,||
ayaṃ vuccati bhikkhave sammā-saṃkappo.|| ||
 
Katamā ca bhikkhave sammā-vācā?|| ||
Musā-vādā veramaṇī, pisuṇāya vācāya veramaṇī, pharusāya vācāya veramaṇī, samphappalāpā veramaṇī,||
ayaṃ vuccati bhikkhave sammā-vācā.|| ||
 
Katamo ca bhikkhave sammā-kammanto?|| ||
Pāṇātipātā veramaṇī, adinnādānā veramaṇī, kāmesu micchācārā veramaṇī,||
ayaṃ vuccati bhikkhave sammā-kammanto.|| ||
 
Katamo ca bhikkhave sammā-ājīvo?|| ||
Idha, bhikkhave, ariya-sāvako micchā-ājīvaṃ pahāya sammā-ājīvena jīvikaṃ kappeti,||
ayaṃ vuccati bhikkhave sammā-ājīvo.|| ||
 
Katamo ca bhikkhave sammā-vāyāmo?|| ||
Idha, bhikkhave, bhikkhu anupannānaṃ pāpakānaṃ akusalānaṃ dhammānaṃ anuppādāya chandaṃ janeti vāyamati,||
viriyaṃ ārabhati, cittaṃ paggaṇhāti padahati.|| ||
Uppannānaṃ pāpakānaṃ akusalānaṃ dhammānaṃ pahānāya chandaṃ janeti vāyamati,||
viriyaṃ ārabhati, cittaṃ paggaṇhāti padahati.|| ||
Anuppannānaṃ kusalānaṃ dhammānaṃ uppādāya chandaṃ janeti vāyamati,||
viriyaṃ ārabhati, cittaṃ paggaṇhāti padahati.|| ||
Uppannānaṃ kusalānaṃ dhammānaṃ ṭhitiyā asammosāya bhiyyo- [313] bhāvāya vepullāya bhāvanāya pāripūriyā chandaṃ janeti vāyamati,||
viriyaṃ ārabhati, cittaṃ paggaṇhāti padahati.|| ||
Ayaṃ vuccati bhikkhave sammā-vāyāmo.|| ||
 
Katamā ca bhikkhave sammā-sati?|| ||
Idha, bhikkhave, bhikkhu kāye kāyānupassī viharati ātāpī sampajāno satimā vineyya loke abhijjhā-domanassaṃ,||
vedanāsu vedanānupassī viharati ātāpī sampajāno satimā vineyya loke abhijjhā-domanassaṃ,||
citte cittānupassī viharati ātāpī sampajāno satimā vineyya loke abhijjhā-domanassaṃ,||
dhammesu dhammānupassī viharati ātāpī sampajāno satimā vineyya loke abhijjhā-domanassaṃ.|| ||
Ayaṃ vuccati bhikkhave sammā-sati.
 
Katamo ca bhikkhave sammā-samādhi?
Idha, bhikkhave, bhikkhu vivicc'eva kāmehi vivicca akusalehi dhammehi savitakkaṃ savicāraṃ vivekajaṃ pīti-sukhaṃ paṭhamaṃ-jhānaṃ upasampajja viharati.|| ||
Vitakka-vicārānaṃ vūpasamā ajjhattaṃ sampasādhijaṃ cetaso ekodi-bhāvaṃ avitakkaṃ avicāraṃ samādhijaṃ pīti-sukhaṃ dutiyaṃ-jhānaṃ upasampajja viharati.|| ||
Pītiyā ca virāgā upekhako viharati sato ca sampajāno,||
sukhañ ca kāyena patisaṃvedeti yan taṃ ariyā ācikkhanti:||
'Upekhako satimā sukha-vihārī.' ti, tatiya-jjhānaṃ upasampajja viharati.|| ||
Sukhassa ca pahāā dukkhassa ca pahānā pubb'eva somanassa-domanassānaṃ attha-gamā adukkhaṃ-asukhaṃ upekhā-sati-pārisuddhiṃ catutthaṃ-jhānaṃ upasampajja viharati.|| ||
Ayaṃ vuccati bhikkhave sammā-samādhi.
Idaṃ vuccati bhikkhave dukkha-nirodha-gāminī-paṭipadā ariya-saccaṃ.
 
Iti ajjhattaṃ vā dhammesu dhammānupassī viharati,||
[314] bahiddhā vā dhammesu dhammānupassī viharati,||
ajjhattabahiddhā vā dhammesu dhammānupassī viharati.|| ||
Samudaya-dhammānupassī vā dhammesu viharati,||
vaydhammānupassī vā dhammesu viharati,||
samudaya-vaya-dhammānupassī vā dhammesu viharati.|| ||
'Atthi dhammā' ti vā pan'assa sati paccupaṭṭhitā hoti yāvad-eva ñāṇamattāya patissati mattāya.|| ||
Anissito ca viharati na ca kiñci loke upādiyati.|| ||
Evaṃ kho bhikkhave bhikkhu dhammesu dhammānupassī viharati catusu ariya-saccesu.|| ||
 
 
[22][wrrn][pts][wp][ati][bd] Yo hi koci bhikkhave ime cattāro satipaṭṭhāne evaṃ bhāveyya satta vassāni,||
tassa dvinnaṃ phalānaṃ aññataraṃ phalaṃ pāṭikaŋkhaṃ:||
diṭṭhe va dhamme aññā,||
sati vā upādisese anāgāmitā.|| ||
Tiṭṭhantu bhikkhave satta vassāni,||
yo hi koci bhikkhave ime cattāro satipaṭṭhāne evaṃ bhāveyya cha vassāni||
tassa dvinnaṃ phalānaṃ aññataraṃ phalaṃ pāṭikaŋkhaṃ:||
diṭṭhe va dhamme aññā,||
sati vā upādisese anāgāmitā.|| ||
Tiṭṭhantu bhikkhave cha vassāni,||
yo hi koci bhikkhave ime cattāro satipaṭṭhāne evaṃ bhāveyya pañca vassāni||
tassa dvinnaṃ phalānaṃ aññataraṃ phalaṃ pāṭikaŋkhaṃ:||
diṭṭhe va dhamme aññā,||
sati vā upādisese anāgāmitā.|| ||
Tiṭṭhantu bhikkhave pañca vassāni,||
yo hi koci bhikkhave ime cattāro satipaṭṭhāne evaṃ bhāveyya cattāri vassāni||
tassa dvinnaṃ phalānaṃ aññataraṃ phalaṃ pāṭikaŋkhaṃ:||
diṭṭhe va dhamme aññā,||
sati vā upādisese anāgāmitā.|| ||
Tiṭṭhantu bhikkhave cattāri vassāni,||
yo hi koci bhikkhave ime cattāro satipaṭṭhāne evaṃ bhāveyya tīṇi vassāni||
tassa dvinnaṃ phalānaṃ aññataraṃ phalaṃ pāṭikaŋkhaṃ:||
diṭṭhe va dhamme aññā,||
sati vā upādisese anāgāmitā.|| ||
Tiṭṭhantu bhikkhave tīṇi vassāni,||
yo hi koci bhikkhave ime cattāro satipaṭṭhāne evaṃ bhāveyya dve vassāni||
tassa dvinnaṃ phalānaṃ aññataraṃ phalaṃ pāṭikaŋkhaṃ:||
diṭṭhe va dhamme aññā,||
sati vā upādisese anāgāmitā.|| ||
Tiṭṭhantu bhikkhave dve vassāni,||
yo hi koci bhikkhave ime cattāro satipaṭṭhāne evaṃ bhāveyya ekaṃ vassaṃ||
tassa dvinnaṃ phalānaṃ aññataraṃ phalaṃ pāṭikaŋkhaṃ:||
diṭṭhe va dhamme aññā,||
sati vā upādisese anāgāmitā.|| ||
Tiṭṭhantu bhikkhave ekaṃ vassaṃ,||
yo hi koci bhikkhave ime cattāro satipaṭṭhāne evaṃ bhāveyya satta māsāni||
tassa dvinnaṃ phalānaṃ aññataraṃ phalaṃ pāṭikaŋkhaṃ:||
diṭṭhe va dhamme aññā,||
sati vā upādisese anāgāmitā.|| ||
Tiṭṭhantu bhikkhave satta māsāni,||
yo hi koci bhikkhave ime cattāro satipaṭṭhāne evaṃ bhāveyya cha māsāni||
tassa dvinnaṃ phalānaṃ aññataraṃ phalaṃ pāṭikaŋkhaṃ:||
diṭṭhe va dhamme aññā,||
sati vā upādisese anāgāmitā.|| ||
Tiṭṭhantu bhikkhave cha māsāni,||
yo hi koci bhikkhave ime cattāro satipaṭṭhāne evaṃ bhāveyya pañca māsāni||
tassa dvinnaṃ phalānaṃ aññataraṃ phalaṃ pāṭikaŋkhaṃ:||
diṭṭhe va dhamme aññā,||
sati vā upādisese anāgāmitā.|| ||
Tiṭṭhantu bhikkhave pañca māsāni,||
yo hi koci bhikkhave ime cattāro satipaṭṭhāne evaṃ bhāveyya cattāri māsāni||
tassa dvinnaṃ phalānaṃ aññataraṃ phalaṃ pāṭikaŋkhaṃ:||
diṭṭhe va dhamme aññā,||
sati vā upādisese anāgāmitā.|| ||
Tiṭṭhantu bhikkhave cattāri māsāni,||
yo hi koci bhikkhave ime cattāro satipaṭṭhāne evaṃ bhāveyya tīṇi māsāni||
tassa dvinnaṃ phalānaṃ aññataraṃ phalaṃ pāṭikaŋkhaṃ:||
diṭṭhe va dhamme aññā,||
sati vā upādisese anāgāmitā.|| ||
Tiṭṭhantu bhikkhave tīṇi māsāni,||
yo hi koci bhikkhave ime cattāro satipaṭṭhāne evaṃ bhāveyya dve māsāni||
tassa dvinnaṃ phalānaṃ aññataraṃ phalaṃ pāṭikaŋkhaṃ:||
diṭṭhe va dhamme aññā,||
sati vā upādisese anāgāmitā.|| ||
Tiṭṭhantu bhikkhave dve māsāni,||
[315] yo hi koci bhikkhave ime cattāro satipaṭṭhāne evaṃ bhāveyya ekaṃ māsaṃ||
tassa dvinnaṃ phalānaṃ aññataraṃ phalaṃ pāṭikaŋkhaṃ:||
diṭṭhe va dhamme aññā,||
sati vā upādisese anāgāmitā.|| ||
Tiṭṭhantu bhikkhave ekaṃ māsaṃ,||
yo hi koci bhikkhave ime cattāro satipaṭṭhāne evaṃ bhāveyya addha māsaṃ||
tassa dvinnaṃ phalānaṃ aññataraṃ phalaṃ pāṭikaŋkhaṃ:||
diṭṭhe va dhamme aññā,||
sati vā upādisese anāgāmitā.|| ||
Tiṭṭhantu bhikkhave ekaṃ māsaṃ,||
yo hi koci bhikkhave ime cattāro satipaṭṭhāne evaṃ bhāveyya addha māsaṃ||
tassa dvinnaṃ phalānaṃ aññataraṃ phalaṃ pāṭikaŋkhaṃ:||
diṭṭhe va dhamme aññā,||
sati vā upādisese anāgāmitā.|| ||
Tiṭṭhantu bhikkhave addha māsaṃ,||
yo hi koci bhikkhave ime cattāro satipaṭṭhāne evaṃ bhāveyya sattāham||
tassa dvinnaṃ phalānaṃ aññataraṃ phalaṃ pāṭikaŋkhaṃ:||
diṭṭhe va dhamme aññā,||
sati vā upādisese anāgāmitā.|| ||
Ekāyano ayaṃ bhikkhave maggo sattānaṃ visuddhiyā sokapariddhavānaṃ samatikkamāya dukkhadomanassānaṃ attha-gamāya ñāyassa adhigamāya nibbānassa sacchikiriyāya,||
yad idaṃ cattāro satipaṭṭhānā ti,||
iti yan-taṃ vuttaṃ idam-etaṃ paṭicca vuttan-ti.
Idam-avoca Bhagavā. Attamanā te bhikkhū Bhagavato bhāsitaṃ abhinadun-ti.
Comments